Som du kanskje veit, så er det jo ein tradisjon at Vestborgrussen vel seg eit misjonsprosjekt
dei samlar inn pengar til siste året her på skulen. Då er det jo sjølvsagt at vi i 2009-kullet
ikkje kan vere noko unntak! Overraskande nok, med tanke på overskrifta til dette innlegget,
hamna valet vårt på Tanzania.
‘
Om du ikkje er så stø i geografi, er Tanzania eit land på austkysten av Afrika. Naturen der ein av dei mest
varierte og unike i heile verda, der den briljerar med alt frå den tropiske innsjøen Victoriasjøen til det
anerkjente Ngorogoro-krateret med gode forhold for ein skikkeleg safari. I Tanzania snakkar dei i
hovudsak eit språk som heiter swahili, samt litt gebrokken engelsk. Landet er republikansk og har i overkant
av 40 millionar innbyggjarar. Altså det er eit ganske stort land.
`
Som den flittige kjemirapportforfattaren eg er, er eg van til å trekke konklusjonar. Og konklusjonen eg vil
trekkje her er: Stort land -> stort prosjekt. Derfor velde vi å konsentrere oss om tre delprosjekt, som er
særdeles ypperlig fantastsike. Berre sjå her:
`
‘
Evangelisering hjå datoogaane:
Datoogafolket er ei folkegruppe i Tanzania, eit nomadefolk som
bur langt ut i bushen. Vi skal følge og støtte misjonærane Marit
og Leif Thingbø i arbeidet dei gjer her; dei fortel nemlig om
Jesus og gjengen. For å gjere dette litt lettare, har dei med seg
eit veldig bra hjelpemiddel. Då tenkjer eg faktisk ikkje på
Bibelen. Dei har nok med seg den også, men i tillegg har dei
ein fiffig, liten ting: Dei går faktisk og drassar på ein slags boks med
kasettspelar og prosjektor som går på solcellepanel inni, slik at datoogaane
kan høyre og få sjå evangeliet på sitt eige språk. Og det er jo bra. Elles lærer
dei opp evangelistar til å lære evangeliet vidare ved hjelp av seminar. Eit
veldig viktig misjonsarbeid er det.
`
`
Evangelisering i Øvre Tarime:
Vi har også kontakt med misjonærane Solveig og Torgny Steinskog som forkynner evangeliet for kuriafolket i
Øvre Tarime. Kuriafolket er til liks med datoogafolket også ei stamme i Tanzania. Barske og krigerske
bønder i hovudsak, som har som mål å eige flest kyr. Det er status. Og jammen: Solveig og Torgny har med
seg prosjektor på tur dei også! Eg har høyrt rykte om at Jesusfilmen; ei veldig nøyaktig filmatisert
framstilling av lukasevangeliet dubba til kuriaspråket, er ein hit. Elles arrangerar dei filmkveldar og har
husbesøk. Og vi er så heldige at vi skal få lov å vere med å støtte dei!
`
`
Kompetansebygging ved sjukehuset i Haydom:
Haydom er eit vidgjete sjukehus, du har kanskje høyrt litt om det før. Det er i
uansett eit veldig viktig sjukehus også. Dei prøvar å halde nede spredning av
AIDS, til dømes. Elles dekkjer sjukehuset eit område med omlag 2 millionar
menneske, noko som høyrest ganske banalt ut i mine øyrer. Dei driv dette
sjukehuset under mykje dårlegare tilstandar enn sjukehusa i Noreg, men klarar
likevel å yte så mykje. Vi vil vere med å finansiere denne kompetansebygginga,
slik at sjukehuset i Haydom kan verte eit endå viktigare og betre sjukehus.
Så kan eg jo også nevne at NORAD dekkjer 900% av prosjektet vårt på
sjukehuset. Så når vi no skal samle inn 55 000 kroner til sjukehuset i Haydom,
vert det til saman 550 000 kroner. Ja, nettopp; KULT!
`
`
Dette var altså prosjektet vårt. Vil du vite kor mykje pengar vi i klassa har tenkt å samle inn? Forbausande
250 000 kroner!!! Så her er det berre å gi så det svir, folkens. Det hadde jammen vore flott om de kunne
vere med og hjelpe oss med å nå målet vårt ved å gi pengar og det som kanskje er viktigare enn det igjen;
be for prosjektet. Be for misjonærane, sjukehuset og vi som skal samle inn pengane. Og så bortetter…
`
Ha ein velsigna dag!
No er det endeleg 7.november! Og det betyr at i dag reiser eg, Martha Lid, til Tanzania.
